返回列表 發帖

[數碼通] 「轉貼」數碼通指出LTE Category沒有意義

轉自︰https://apps.facebook.com/st_discussion/view_topic.php?id=3778&start=20

回覆1︰CAT 4嘅理論網絡最高下載速度係比CAT 3 高啲,但其實理論最高速度對客戶係毫無意義,對客戶嚟講唯一有意義嘅指標,係真正應用時用流動寬頻嘅體驗,最緊要係夠穩夠順。喺日常嘅程式應用上,唔需要好高嘅速度,以串流播放一般影片,都只會用到300-500 Kbps嘅速度,只係喺下載大檔案時才會有一啲分別,普通用家通常係唔會以手機下載大檔案嘅,所以使用CAT 4定係CAT 3嘅制式,一般檔案下載, 例如電郵附件, 音樂檔案等對客戶嘅體驗係無分別嘅。

我哋相信理論網絡最高速度係無需要盲目追求嘅,反而重要嘅係整體嘅網絡質素,提供到穩定嘅網絡、完善嘅覆蓋同流暢嘅流動上網體驗畀客戶。一直以嚟,我哋都提供一個至穩定同暢順嘅數據網絡,而且仲不斷研發獨家實用啱用嘅服務,提供無微不至嘅客戶服務,令客戶享受到無可比擬嘅體驗。呢個係我哋貫徹以客為先嘅經營理念。

回覆2︰正如我哋之前嘅回覆,使用CAT 4定係CAT 3嘅制式對客戶嘅體驗根本就係毫無意義,最緊要係網絡夠穩夠順,畀到客戶享受到最佳嘅上網體驗。

我哋會使用最有效同有效率嘅方法去提供優質嘅網絡畀客戶(包括重組 (refarm) 現有嘅頻譜及採用新嘅科技),將現有嘅資源有效地運用。至於使用邊種方法係商業策略,我哋係唔會向外界預先透露。係咪使用CAT4嘅制式亦根本唔重要,最重要嘅係一個認真做好嘅網絡商、有好嘅規劃及執行、投放足夠嘅資源,提供到最佳嘅上網體驗畀客戶。

返回列表